აშიაცუ – ფეხით მასაჟის ტექნიკა საუკუნეების განმავლობაში გამოიყენებოდა ბუდისტი ბერების მიერ. სეანსის დროს თერაპევტი, ამ სიტყვის პირდაპირი მნიშვნელობით, დადის თქვენს ზურგზე, ხელებით ძელს ან სხვა საყრდენს ეჭიდება და ზეწოლისთვის თავისი სხეულის მთელ წონას იყენებს. აშიაცუ გარკვეულწილად წონასწორობის აღდგენას გულისხმობს. აშიაცუ იაპონურად „ტერფით“ („აში“) „დაწოლას“ („აცუ“) ნიშნავს, მაგრამ აღფრთოვანებული კლიენტები ამ მეთოდს, არც მეტი, არც ნაკლები, „ზეციურ სიამოვნებად“ მოიხსენიებენ.